التعليم الي اين ينهار بسبب الاعلام والقيم الفاسدة والنتيجه.

كتب / وهبة صلاح

السيد وزير التعليم اين انت من كرامه المدرس اين الدوله من السينما الهابطه لا رادع ولا قدوة ولا رقابه طالب بيقتل وبشرب وكل شئ الي اين انتم نائمون وزير التربيه والتعليم

المدرس دا من الاسكندريه
المدرس دا ماااااااااات
مات مقهور والطالب دا مشاغب فى المدرسه وقارف كل المدرسين عنده 144 سنه كان بيسب الدين للمدرسين و يهددهم
استفز المدرس وقال للمدرس انا هعرفك بره المدرسه المدرس قام عشان يرد عليه الطالب تبادل معاه اللكمات والشلاليت اه والله اللكمات والشلاليت
ولما المدرسين حجزوا بينهم المدرس وقع من طوله مااااات وكانت عينه مليانه دموع صعبت عليه نفسه
عنده 3 ابناء جزمه اصغر واحد أشرف وانضف من ذلك الطالب
اللى قتل المدرس مش الطالب
اللى قتل المدرس وزارة مترهله يحكمها مجموعه من العواجيز ..تحت بند دار كبار المسنين …تركوا واجبهم من تنقيه المؤسسه التعليميه من جراثيم تنتشر اسرع من سرعه الضوء ..وكثفوا جهودهم ..لمحاربة المعلمين والانتقاص من كرامتهم
اللى قتل المدرس الافلام ( عبده موته وابراهيم الابيض و القشاش والالمانى و السبكى و غيرهم )
اللى قتل المدرس اغانى اوكا وارتيجا شربت حجرين وسجاره بنى
اللى قتل المدرس قيم فاسده جعلت من البلطجى مثل اعلى جعلت من الحرامى فهلوى جعلت من النصاب دمه خفيف
اللى قتل المدرس جمعيات حقوق انسان قذره تهلل لو مدرس ضرب طالب مأجوره ووزاره مرتعشه جبانه مش قادره تاخد قرارات تربويه صحيحه
شوف حال الطالب في الشارع تحرش والفاظ قذره و عدم انتظام
من الاخر لازم المدرس ياخد حقه لازم ترجع هيبه المدرس الاهم من الكادر والفلوس هيبه المدرس وتاهيله و أمن المدرسه ( هو فين أمن المدرسه )
الله يرحمه أ /صلاح ..