حررت مشاعرك تجاه مشاكلك

كتب : سماح ريحان 

الطبيعة بتعبر عن نفسها بالألوان…

كل حاجة حوالينا بتوصل لنا رسايل بالألوان..

و الألوان دي لها تأثير فطري علينا..

البحر بلونه بيحسسنا بالهدوء والتواصل والعمق..

المزروعات بلونها الأخضر بتوصل لنا رسالة أن كل حاجة بتنمو  و تزدهر وان دي سنة كونية..

حتى قوس القزح بألوانه لما بيجي بعد الامطاروالعواصف الرعدية بيخاطبنا ويقول لنا ان بعد العاصفة بيجي الهدوء وبعد الضيق بيجي الفرج…بدليل أن احنا بنفرح ونستبشر لما نشوفه..

الألوان هي لغة من لغات مخاطبة العقل اللاواعي…اللي بنقدر بيها ان احنا نفرغ كل المشاعر السلبية اللي جوانا ودة بيخلينا نتواصل مع نفسنا أكتر ومع اللي حوالينا وبنقدر كمان أن احنا نفهم نفسنا ونكتشف قدراتنا.

بعدنا أو قربنا الزيادة من أي لون بيحرمنا من التأثير الايجابي للون دة…ودة بيحصل لما بنكبت مشاعرنا تجاه مشاكلنا وبيظهر في صورة رفض أو تعلق بلون معين.

 زى مثلا اللون الأصفر ..عند ناس بيعبر عن الغيرة والمرض وعند ماس تانية بيعبر عن الفرح والحرية.

كل ما حررت مشاعرك تجاه مشاعرك باستخدام الألوان …كل ما استفدت من تأثير اللون الايجابي عليك…ودة ممكن يخلق جوء من التوازن اللي ممكن تحس من خلاله بالسلام.

#الألوان_بهجة_الحياة

#الصحة_النفسية_بالألوان