الفتوش اللبنانى

شيف ياسر غريب

من احلي الاطباق اللبنانية الفتوش وهو سلطة ومكوناته بسيطة بس لو اتعمل صح بيدي مزاق واضافة جميلة لسفرتك   وصحي جدا

مقادير

٢ رغيف عيش شامي

١ قلب خس

٣ خيار وسط

٥ طماطم وسط

٣ بصل اخضر

١/٢ ملعقة سماق

١/٢ كوب بقدونس مفرووم

١/٢ ملعقة نعناع

١ ليمونة كبيرة

٢ ملعقة زيت زيتون + ١/٤ كوب اخري ١ ملعقة اخري سماق

ملح وفلفل

الطريقة

نسخن الفرن ونحط فيها العيش ١٠ دقايق لغاية مايبقي مقرمش ونكسره في طبق كبير

وفي طاسة نسخن معلقتين زيت الزيتون ونضيف لهم ١/٢ ملعقة سماق ونطفي ونضيف العيش ونقلبه كويس ونقطع كل الخضار بتاعنا ونقلبه

وفي بولة صغيرة نحط ١/٤ كوب الزيت والليمون والملح والفلفل والسماق والنعناع ونقلبهم كويس ونبدا اولا نضيف العيش علي الخضار

وثانيا نضيف الدريسينج اللي هو الليمون والزيت ونقلبهم كويس

ملحوظة لازم تضيفي العيش والدريسينج قبل الاكل مباشرة عشان العيش ميلينش احلي حاجة فيه يبقي مقرمش المعيار دا يكفي ٣ افراد لو حابة تقللي او تكتري وبالهناء