طاجن العكاوى بلبصل
  • شيف ياسر غريب

    من اشهر اكلات عيد الاضحى طاجن العكاوى بلبصل

    المقادير

    كيلو عكاوى مقطع

    نص كيلو بصل قاورمه

    4حبات طماطم

    2فص توم

    معلقة سمن

    نص معلقه فلفل اسود

    ملح حسب الرغبه

    حبهان جوزة الطيب

    ورق لورا

    كوب ميه

    الطريقه

    نخلط 4حبات الطماطم فى الكبه وليس الخلاط حتى تكون كتل وليس عصير

    نضعها فى اناء بدون زيت او سمن مع الملح والفلفل الاسود حتى تتسبك قليلا وتبخر جزء منها

    فى اناء اخر تشوح قطع العكاوى فى معلقه سمنه وتترك على نار متوسطه مجرد وصولها للون البنى يضاف نص كوب ماء وتترك لتغلى على نار هادئه وتخرج صوصها تراقب كل عشر دقائق مع اضافة القليل من الماء اذا تبخر بمجرد ما نلاقى اللحم استوى نص سواء نطفى عليها ونشيل اللحمه من صوص الشوربه

    ونجهز الطاجن نقطع الطماطم والبصل والتوم شرائح رفيعه وليس فى الكبه ونفركهم مع الملح والفلفل والحبهان وجوزة الطيب المبشوره نفركهم جيدا

    نرص العكاوى فى الطاجن ونضع فى الفراغات بينهما البصل القاورمه نضع فوقها خلطة البصل والطماطم بالبهارت نضع فوقها الشوربه الناتجه من عملية السلق نضع فى الاخر معلقتين من الطماطم المسبكه على الوجه و ورق الورا وبشرة جوزة الطيب

    تغطى بغطاء محكم او بقطعة فويل ثم تدخل الفرن على درجة حراره 200

    نكشفها بعد حوالى نص ساعه ونطفى عليها لما نلاقيها استوت كويس بحيث يصبح من السهل فصل اللحمه عن العظم نشغل الشوايه فقط حتى يحمر الوجه وياخذ شكل جميل ثم تقدم بالف هنا وشفا