نصائح مفيدة للمطبخ

?️نصائح مفيدة للمطبخ?️

?️1- تعرفى انك لو نخلتى الدقيق اكتر من مرة الكيكة هتطلع هشة اكتر

?️٢- تعرفى انك لما تيجى تعملى معجنات وتضيفى للدقيق
كيس بيكنج بودر مع الخميرة العجينة هتبقى احلى وهتعلى اكتر
?️٣- وانتى بتعملى معجنات حطى معلقة خل على الدقيق هيخلى العجينة هشة معاكى

?️٤- لو عايزة تعملى كيكة برتقان ومفيش برتقان حطى معلقة عصير تانج برتقان مع كوب لبن وهيبقى عندك عصير برتقان
?️٥- لو عندك اكلة محتاجة كريمة وملقتيش دوبى معلقتين زبدة مع لبن كامل الدسم واستخدميهم وهيبقى عندك كريمة طبيعى
?️٦- لو عايزة اكلك خفيف شوحى البصلة على النار من غير زيت او سمنة بس وطى النار والبصلة هتنزل ميتها وتستوى فيها وبهريها على النار وانزلى بالطماطم وكلى احلى تسبيكة من غير دهون
?️٧- لو بتعملى حلويات ومحتاجة كريم شانتية ومش موجود عندك ولا يهمك اعملى زى انا مابعمل ارزعى على النار حلة وحطى فيها علبة قشطة ومعلقتين سكر ومعلقتين زبدة وقلبى على النار لحد ما السكر يدوب وهيبقى عندك كريم شانتية طبيعى صنع ايديكى ولا تزعلى نفسك

?️٨- لو بتعملى كنافة بالقشطة وملقتيش قشطة اوعى تتخضى بصى ياستى هاتى ٣ كوبايات مياة زودوبى فيهم كوبايتين لبن بودرة وشوية سكر وحطيها على النار ولما يغلى حطى نقطة ماء ورد وماء زهر وقلبى لحد القوام مايمسك وبعدين استخدميها وممكن تحشى بيها القطايف بتبقى تحفة

?️٩- عملتى بيتزا على الغدا وولادك عايزين كاتشب هاتى كوباية صلصة طماطم ونص كوباية سكر ومعلقتين حل. وحطى على النار ومش هيعرفوا الفرق

?️١٠- الرز سعات بيطلع ملزق معاكى بصى بقا لما الرز يتشرب وبعد ما توطى علية حطى معلقتين زيت علية وقلبى وغطى وسيبية يكمل تسوية عمرة ما هيلزق تانى

?️١١- بصى سعات بيفيض مننا رز بايت وبنرمى كتير وطبعا ولادنا مبيحبوش الرز البايت بصى بقا اوعى ترمية عصجى لحمة مفرومة واعملى شوية بشامل وشوحى حبة خضار بسلة وجزر وبطاطس بفصين ثوم لحد ما يستوى ورصى صينيتك قلبى الرز مع الخضار وحطى تح بشامل وطبقة رز وطبقة لحمة وطبقة رز تانى وبعدين البشامل وكلى احلى صينية رز بالخضروات من الرز البايت. تحياتي أخوكم عنتر

?️١٢- لو عايزة عجينة الليتزا تبقى مختلفة نكهيها بالاعشاب حطى زعتر وروزمارى وممكن بصل بودرة وتوم بودرة بيغير طعم العجينة

?️١٣- لما العجينة تخمر اوعى تعجنيها تانى عشان العجينة ما تفقدشى خمورتها اتعاملى معاها بحنية

?️١٤- لو جيتى تعملى كيكة وملقيتش فانيليا متتخضيش حطى معلقة خل