فى نوعية من البنات ..الشباب بيسميها “البنت السهلة ال خفيفة “

فى نوعية من البنات ..الشباب بيسميها “البنت السهلة ال خفيفة ”

بقلم/ اسماء

يعنى ايه …يعنى بكلمة او بنظرة او بموقف تلاقيها التفتت للشاب اوى وانسجمت فى الكلام معاه ….وهو عشان عارف النوع ده بيبقى محتاج لايه ..بيبدأ يديله اهتماماته .ويعوضله احتياجاته اللى ناقصاه ..سواء كانت معاملة ..او كلام حلو ..او حتى خروجة ..او شوية مصاريف مع فسح ..الخ … البنت اللى زى دى قلبها بيبقى ابيض …” بنت خام ” ومشكلتها بتكمن فى النقطة دى …يعنى لو اتخطبت بيبقى عندها حُسن نية فى التعامل مع خطيبها ..اللى ممكن يستدرجها للغرض اللى هو عاوزه بسهولة …لانها مش مدردحة وفاهمة ?وبتثق فيه للدرجة اللى ممكن تسلمله نفسها تماماً …ده بالنسبة للمخطوبة …فضلاً بقى عن اللى مش مخطوبة وبتحب ..وواثقة جداً فى اللى بتحبه ..وعندها من السذاجة ( حُسن النية ) اللى برضوا بتسلم ليه لانه لمس شىء هى محتاجاه .
البنت لازم تتربى على انها تكون واعية ومثقفة …تتربى على ان فى عداوة بينها وبين الرجل فى نقاط معينة ..” خطوط حمراء ” مينفعش تتعدى ابداً ..اللهم إلا جواز …
?شباب كتير بيخطب البنت ..عشان يتسلى بيها فى اطار رسمى ..او عشان يقدر يأخد منها شىء نفسه فيه ..ومش مهم شوية مصاريف هيندفعوا ..والخطوة دى بيعملها عشان يثبتلها حُسن نيته تجاهها …وده بيخليها تصدقه وتثق فيه ..ولو طلب منها طلب معين ..لو رفضت مرة ..بتتنازل التانية ..لان بالخطوة الاولى عطالها الثقة فيه …..زى ما قولت فى خطوط حمراء بين الولد والبنت ..حتى وهما مخطوبين ..متسمحيش ليه ابداً مهما وصلت درجة ثقتك فيه انه يتعداها …لانه ياناصحة لو بيحبك ..تأكدى انه مش هيأخد منك حاجة فى وقت حرام ” القاعدة بتقول ?? من استعجل الشىء قبل اوانه .عوقب بحرمانه ”
?اوعى تتخيلى للحظة أن الشاب اللى لمس فيكى انك بنت غلبانة وسهلة …هيعطف عليكى …هو هيحتويكى كويس اوى ..لكن عشان يأخد منك اللى بيه هترجعى تندمى فى وقت لا ينفع الندم .
?التعامل بينك وبين الشاب ..مينفعش يكون فى خضوع بالقول ” السهوكة والسهتنة والدلع دى امور كلها غلط ..وبتطمع الشاب ..” القلوب مريضة ..ولكى أن تتخيلى ان ربنا امر نساء النبى وامهات المؤمنين ..الا يخضعن بالقول ” عشان ايه …لكى لا يطمع الذى فى قلبه مرض ” ولك ان تتخيلى ان خطاب زى ده موجه لجيل الصحابة خير جيل نشأ على الارض بعد الانبياء ” 😉
?وانتى بتكلمى الشاب ..خليكى رجل ” او بمعنى اصح ..ذكر ? اوعى تخليه يحس بضعفك اواحتياجك للقليل من العواطف والاهتمام ..او انك بتعانى كتير فى البيت ومهمشة …لان اللحظة دى اللى هيمسك فيها ..وهيقدر من خلالها يقوم بدور الشيطان على أكمل وجه 🙂
#دمتم_سالمين_بعيد_عن_اعين_اشباه_الرجال