ايه الا ممكن يضيع الوقت

ايه الا ممكن يضيع الوقت!!

كتب/أحمد محمد

1 ) التليفزيون
أول حاجة بتضيع وقتنا فعلا هو التليفزيون . الكاتب بيقول إنه بطل يتفرج عليه من سنة 2007 رغم إنه كان من الناس اللي ممكن تقعد تتفرج عليه 8 ساعات متواصلة يوميا ..عشان كدة حاول تقلل شوية منه

2 ) إن وجود الناس اللي في حياتك يكون لمجرد خوفك من الوحدة أو من إنك تحس بالملل مش لأنهم مهمين بالنسبة ليك

3 )إنك تحاول تحل مشاكل كل ناس و تنسي إنك إنسان عادي ليه قدرة محددة (مش سوبرمان يعني.. ركز في حياتك )

4 )من أسوأ الحاجات اللي بتضيع وقتك إنك تعمل حاجة معينة عشان بس بتسعد أهلك أو أخواتك أو جدتك أو عمتك أو صاحب المحل اللي تحت بيتكو أو…أو….
في حين إنها مش بتسعدك أنت

5 ) إنك تحاول تنتصر في كل حوار أو مناقشة مع اللي قصادك

6 )إنك تكون الشخص اللي فاتح تليفونه لأي حد يتصل و يحكي و يشكي من غير ما أنت تستفيد حاجة

7 ) إنك تحاول تغير الحاجات اللي فيك واللي أصلا مش بتتغير لأنها جزء من شخصيتك

8 )إنك تفضل تشتكي من حاجة بدل ما تقوم و تغيرها

9 )إنك تخترع لنفسك مشكلة مزيفة عشان تلهي نفسك و متواجهش مشاكلك الحقيقية

10 ) إنك تحاول تنال إعجاب شخص لم يبد أي اهتمام بيك من البداية .