مش كل حلم حلمته حلمك

مش كل حلم حلمته حلمك
كتير من الناس بيفضل يحلم حلم وبيطول عليه حلمه ويفضل معاه فترة من الزمن . . ولما يمر عليه الوقت بتلاقى حلمه ده اتغير واضبح بيحلم حلم جديد . .
تلاقى بنت مثلا تحلم ب ( س) من الناس وانه هو بطل وفتى احلامها تشوفه ليل نهار معاها فى احلامها فى صحيانها فى بيتها وبيت عيلتها عند كل صحبة وفى كل مناسبة تروحها . . تفتح شنطتها تلاقى حبيبها . . تفتح حلتها تلاقيه منور فوق طبيخها . . تعمل أكله تحلم أنه بياكل منها . . كل فستان فرح تشوفه تتمنى تتلبسه ليه هو . . كل ست اشتكت من جوزها قدامها تتعجب هى وتقول فى سرها : الحمد لله انا وحبيبى متفاهمين عمرنا ما هانختلف ابدا عن بعضنا . . اصبر عليه وهايصبر عليا . .
كل ده وتلاقى البنت دى بعد اول خصام يفرقهم ! تشوف العجب :
كل احلامها تتبدل كل فستان فرح لبسته فى حلمها تقلعه . . ترمى طبيخها اللى كان حبيبها قاعد فوقه فى حلتها . . تبطل تنام علشان ما تحلمش بيه . . وتبتدى تنزل منشورات واغانى بتعبر عن الخيانة وان مفيش حاجه اسمها حب : وبعد فترة :
تقابل ابن الحلال الحقيقى اللى هو كيانها اللى هو مكملها اللى هو فعلا حبيبها وقدرها ونصيبها اللى هو فعلا اتفصل فستان زفافها علشان تلبسه ليه هو . . ذلك هو :
( الحلم الحقيقى . . الحب الحقيقى )
اللى حلمته واللى هاتحققه معاه . والله الموفق