همستى هذه لسيادتكم ياسيادة الرئيس..

كتب . / درى موسى
همسه فى إذن الرئيس اتمنى ان تصل لسيادته
ارجوك سيادة الرئيس اخرج عن صمتك , وكلم الناس عن الحقيقه , عرفهم التكلفه اليوميه للحرب في سيناء كام .
عرفهم فاتوره علاج المصابين من العمليات , كام .
عرفهم تكلفه تامين البلد والمحافظه عليه , كام
عرفهم فاتوره خراب 7 سنين , كام .
عرفهم اتدفع كام , عشان خراب مصر
عرفهم المؤامرات الداخليه والخارجيه شكلها ايه
سيادتك قلت : احنا فقراء قوي , بس ما رضتش تقول اننا = قوي !
قلت : اصبروا 6 شهور مع مصر , وبشاير الفرج بدأت, والامور بدأت تتحسن من قبل ال6 شهور ما يخلصوا , والناس زعلانه !!!!!!!
نفسي اي حد زعلان , يعرف الارقام دي , ويعرف كمان المليارات الرهيبه , المتحصله نتيجة الفساد , من مخدرات وفساد ورشاوي وسلاح ونهب وسرقه, ويكلمني بالعقل وبالمنطق : ازاي بلد تتقدم , وفيها فساد مخيف بالمنظر ده !
ازاي بلد تتقدم , وفيها ايد بتبني , و1000 ايد بتهد ! ازاي !!!
عرفهم ان فيه تجار , كلهم جشع وطمع !
عرفهم ياريس , ان من ال100 مليون , صعب انك تلاقي حد نظيف وكفء , عشان تعينه محافظ او وزير !!!
عرف الناس الحقيقه , واخرج عن صمتك ياريس
عرفهم القضيه 250 , ولم الخونه اللي فيها , عشان الناس تعرف ان اللي شافته مصر , يخرجها من المستقبل والخريطه والجغرافيا , ويدخلها التاريخ , ويخليها في خبر كان !!!
عرفهم يا ريس , قد ايه الايام الجايه , شايله مؤامرات وخطر وتهديد لمصر , عشان قلبت التربيزه علي ولاد الحرام وحافظت علي مصر والعرب ! (وهنا مليون علامه تعجب يا شعب مصر )
(احنا معانا ربنا , واللي يقدر علي ربنا يقدر علينا ) , بصراحه يا سياده الريس , من ساعه تكليقك بالمهمه , لما كانوا بيقولوا عليك انقلابي , وانا شايف ان كلمتك دي حقيقه .
وهتفضل حقيقه شايفينها لاخر لحظه معاك.
سيادة الرئيس : دمت مؤيدا, منصورا, موفقا , محفوظا
واذا لم تجد الانصاف من المصريين اليوم , فغدا سيراه الجميع , بسطور من ذهب , في كتاب التاريخ