في الجواز والطلاق 3 …. حضانة الأولاد

في الجواز والطلاق 3 …. حضانة الأولاد

الطلاق شيء مش سهل ابدا ومشاكله الأهم بتبدأ بعد حدوثه بشكل اكبر ومختلف …في حالات بتفرح انها خلصت من المشاكل الزوجيه والبيت الخنيق والزوج او الزوجه المتعبين ….النهارده هاتكلم عن اللي بيختار ان الاولاد يكونوا معاه ده بقى بيختار اختيار مهم جدااااااااااااا
الأم خاصة… تقريبا بتبقي عامله زي اللي بينتحر بس من غير نية انتحار ومن غير ذنب…ده في وجهة نظري المتواضعه طبعا … ست مطلقه ?في مجتمع متدين بطبعه ? يعني ظروف خاصه بيها بجانب كل مافي المجتمع من معاناه عامه ماديا ومعنويا ?.
اختيارك ان اولادك يكونوا معاكي وتتحملي مسئوليتهم لوحدك سواء ابوهم بيصرف عليهم ولا مستني القضاء يضربه علي ايده ويقوله عيب دول بردو نتاج عملتك السوده? مش ذنب هي عملته لوحدها ….عيب يا راجل اصرف عليهم?…. اختيارك ده هاتدفعي تمنه في كل لحظه من عمرك وشبابك وتعبك وشقاكي وفي فرص ارتباطك مره تانيه وده حقك اوعي تسمحي لحد بإسم العادات والتقالبيد ان يحرمك منه….وكل ده علشان بتروي زهره جميله في حياتك ربنا يباركلك فيهم ?
انا مش بقول الكلام ده علشان احزن كل واحده علي نفسها او اقولها بكرا مش حلو… لا… بس انا مؤمنه جدا ب (الاختيار الحر) اللي لازم نعمله كل لحظه في حياتنا …..واننا نختار من تاني ونجدد اختيارنا ونركز في حياتنا وتفاصيلها من وقت للتاني لاننا دفعنا وبندفع وهاندفع تمن اختياراتنا دي باقي حياتنا
والأهم من ده كله الإختيار الأول للزوج والإختيار التاني لحل الطلاق والإختيار التالت انك تاخدي اولادك في حضانتك وووووووو لإن حياتنا سلسله من الإختيارات التي لا تنتهي
و #عليه_العوض
#مطلقه_وأعول
بس #مطلقه_وافتخر
#في_الجواز_والطلاق 3
#ابتسام_الوكيل