أمى يا غالية

أمى يا غالية
………………….

أمى يا غالية وأغلا ما ليه

حنانك ياأمى يكفي ميه وميه شوية

بعشقك بكل ما فيا.. بعدك تموت الحنيه

أمى بعد حنانك مافيش..

من إيدك شربت وآكلت عيش..

ياما بحبك عايش كأني درويش

مهما أوصفك ما يكفيكيش…

أمى كلك طيبة وحنان وحنيه

ياست الكل يا أعظم هدية

أفديكي بعمري وروحي وعنيه

طول عمرك شايلة المآسي بتراضي بينا وتواسي

قلبك ذهب ماسي.. ياإمي بعشقك بكل إحساسي

والله يا أمى مكانك فوق راسي

بعدك للحظه بتموت كل حواسي

أمى من حقك عليه أبوس جزمتك وإيدك

ما هو أنا إبنك وليدك

أبوس جزمتك وإيدك

……….. ….. …..

أمى مهما بكون عنك بعيد

حبك يا غالية جوايا بيزيد ويزيد

أصلك ياما بتجري بالدم وشرياني الوريد

لحظه فرحك بيكون جوايا عيد

أمى ياست الستات بعشقك بكل الحالات

بعدك للحظه بعد الثواني والساعات

بحس إني ميت من الأموات

أمى روحى بتروح منى لبعدك لحظه عني

بوجودك عايش وموش ها ممني

أمى ساكنة الروح وجوه العين والنني

أمى حبك دايماً بقلبي والله وديني وربي

بقلمي وليد العايدي