اهداء إلي ارواح ابطالنا شهداء الوطن

كتب / الوردانى حافظ

مع السلامة
في استشهادكم عزة و نصر
مع السلامة يا اولاد مصر
ياللي اتروت بدماكم الارض
وصنتو كمان والله العرض
مع السلامة يا اولاد مصر

اقستموا الولاء و العهد
وكنتم اد العهد والوعد
ما تهابوا ابدا من حد
مع السلامة يا اولاد مصر

ومهما طالت ايد الغدر
في صلاة عصر اوفجر
هتحموها ده عهد و ندر
مع السلامة يا اولاد مصر

مع السلامة ومستحيل ننساكم
او ننسي دمعة ضناكم
اللي كوت القلب بفرقاكم
مع السلامة يا اولاد مصر

مع السلامة ومبروك الجنة
تطلب تشتهي فيها تتمني
تنعم فيها والروح تتهني
مع السلامة يا اولاد مصر

الخلود وحور العين
والانهار شمال ويمين
وصحبة النبي الزين
مع السلامة يا اولاد مصر

عطيتم درس للاندال
ان نسائكم والله رجال
وما لهم في الدنيا مثال
مع السلامة يا اولاد مصر

دي ملحمة ما تنتهيش
من اكبر ضابط لاصغر شويش
ضحوا علشان بلادنا تعيش
مع السلامة يا اولاد مصر