تذكرة سفر أسفه هي تذكرة حياة

تذكرة سفر
أسفه هي تذكرة حياة
#بقلم_حنان_محمدعبدالعزيز
~~~~~~
شقيان غلبان يا بيه
وبسعى على لقمة عيشي
هو حرام أركب قطر البهوات
قلت أركب و أجرب حظي
يمكن ربنا يرزقني هو كريم
عالم بحالي أجيب حتى
…. ثمن الحاجات ….
أصل جايبهم ع الحساب
سبني أسترزق قوت عيالي
ولك الأجر والصواب
ثمن الذكرة سبعين جنيه
وبضاعتي بملاليم يا بيه
لو معايا السبعين لحلوح
هأركب في قطركم ليه
كنت هاروح أجيب
عيش وخضار
وطعمية وفول بالزيت الحار
ويبقى كدا ربنا جبرني
وكفاني ذل الحوجه
والتنطيط في القطرات
سامحني يا سعادة البيه
ويبقالك عند ربنا ولا يكون عليك
برضه مصمم وبتزعقلي
وبتقول هات السبعين جنيه
يا إما تنط من القطر وهو ماشي
طب هو الفقير كدا مايسواشي
تفتحلي الباب وتقولي
يالدفع ياتموت بالحدف
الرحمة من عندك يارب
أمرك يا صاحب الأمر
طيب صبرك عليا
هانزل المحطة الجايه
لاء إنزل دلوقت هي سايبه
تركب ببلاش هو احنا
أصحاب القطرات
ده مال حكومة وحسابات
طيب والله أنا واحد م الشعب
وليا حق وأنت شايف
العيشه صعبه والحال ما يسر
وكمان عارف أكل العيش مر
يقولي اذا دفعت سبتك
واذا ما دفعت أنت حر
تنزل من القطر حالا وبدون كلام
أنت وصاحبك ان كان عجبك
ونطوا الجدعين يا حرام
واحد يا عيني عليه
جمسه مليان جه ينط بعيد
معرفش جسمه نزل
ع القضبان الحديد
وعجل القطر قسمه نصين
مات شهيد
والتاني اتبترت الرجلين
كل ده علشان ثمن التذكرة
هي الرحمة راحت فين
من قلوب البني ادمين
اخص عليك يا زمن
رخصت فيك الروح
الفقير يموت مدبوح
والدم بقى في كل مكان
منين ماتروح
مات الشقيان عشان غلبان
بيداحل على لقمة العيش
وروحه في الدنيا ماتساويش
لكن في الأخره حساب وعقاب
#بقلم_حنان_محمدعبدالعزيز