حدوتة. مصرية. رقم ٣. ** حصاد. الغدر

حدوتة. مصرية. رقم ٣. ** حصاد. الغدر **
كلمه ف. قلبى. وراح اقولهالك

ياللي سِنين. عمرى. اديتهالك

مهما حاولت أنا مش راح اسامحك

بطلت. اتعلق . ف حِبالك

انتَ خلاص … نَسيتني . ملامحك

جَى تقول… ليه ..جِيت.. على بالك ؟؟؟

مين. هتصالح .. روح ..ل مصالحك؟؟؟

سيبتني عُمر. وعشت …ل حالك

سيبتلي.. حُزني. ..وعشت ..ل فرحك

عشت . الدنيا .. اللي .. بتهنالك

كنت. فاكرها. انها دايمالك :؟؟؟

وإن الدنيا .. ب كده . بتصالحك

بعد العُمر. ما عدى قُبالك

اتبطرت. اتدهور . حالك

اخرة جَريك اخرة رَمحك

واللي زمان. سيبتني علشانهم لما لقيت الحظ إدالك

لما الدنيا ما جَاتش.. لصالحك

لما خلاص إتغير. حالك

خلصت. اموالك. ومصالحك

نسيوا. ليالي الٱنس . وفرحك

كانوا عايزينك كده على حالك

كنت عشانهم شجره بمالك مش عاوزين مِنك غير..طرحك

لما زمانك غير حالك

مش عاوزينك نسيوا. ملامحك

سيبت عشانهم اللي قَدمها الخير فيه جَالك

ومَنابهاش . مِنك غير. جَرحك

سيبتني يومها ورحت لحالك

مكسور . قلبي ومرمي طريح. وازاى راح اسامحك ؟؟؟

هو ضميرك ..عمرك .. كلهُ مَكنش صريح
وياك بيصارحك ؟

ومقالكش إنك .. بدلت دهب. بصفيح. ومَكَنش ل صالحك

وإن أنا. بَعدك عشت لوحد ي ف وش الريح وبداوي ف جَرحك

عشت.. سِنين ايوه اتذكرتك وانا حاسه إن انا طير مدبوح

كل م اقول .. راح اطيب .. من جَرحك. . القى تِزيد جوايا جِروح

بس. انا. صورتك بعد سِنين شوفتها …بو ضوح

و بقيت بَكره… احكي ف سيرتك وإن خساره البُكى… والنوح واني كِسبت انا يوم ما خِسرتك

قولت ازاي العُمر… يروح ومَفيش يوم ليه عِرفت . حقيقتك

ليه بوضوح

لو كُنت اتجوزت التانية مش راح أعارض شرع الله

كنت هقول ده حال الدنيا وانا وياها هنبقى معاه

لَكن. انتَ و ف نفس الثانية بعت ..الحاضر ..ويا الماضى

ناويت. تنساه قولت تِفضى مَكان علشانها وتلقاه فاضى

فاكر.. غدرك… أنا هنساه ّ؟؟؟

كُنت.. الجاني. وكنت …القاضي

وحكمتلي إن يضيع عمرى معاك ع الفاضي شوفت عذاب مش قادره انساه

شوف كام سنه عديتهم عشرة.

وحدي وببكى كمان ع العِشره

عيشت ف سُهد الليل. انا فاكره

كنت فى زُهد و. ويل و لفتره

عشته. سِنين وحلفت.. يمين وبصمت ب عشرة إن انا وانت ل يوم.. الدين. عُمر. ما بينا ..يكون يوم عِشره

اصل خلاص مَبقيتش. لازمني ومَصدقت اطيب من جَرحك

قلبي سمعلي خلاص وفهمني
واهو جه دورك عِيش مع جَرحك

و..اوعى تِفكر يوم. تعزمني

ولا تقولي اطيب جَرحك

بعد ما عِشت العُمر ظالمني

انا بالعُمر ف يوم ما هسامحك

روح و بذنبك وانت . فاهمني

قرب من ربنا من عارف يمكن يرضى.. عليك ويسامحك

و انسى الفَايت و اوعى ف يوم عنه تِكلمني

طعمه خلاص بقى أكل وبايت .لما تجيب سِيرته بتألمني

بقلم زينب شبل /٢٣/٢/٢٠١٧