لمّا كنت بقلبي جنبك

لمّا كنت بقلبي جنبك
ف كل ثانيه بالدقيقه
ناس كانت بتقول يابختك
وناس كتير بتقول رقيقه
وانت كنت ساعتها سامع
بس شايف غير كده
شايف انّى قليلة تابع
بس أنا متأكده
لما هبعد بكره عنك
واغيب قصاد عينك بسيرتى
هبقى غاليه ساعتها عندك
واكيد هتعرف يومها قيمتى
ويوم ماتيجى بجد ليّا
ودموع عنيك متأثّره
هستسمحك تسكت ف ثانيه
واقول دى جت متأخّره
بعد ايه جاى تعتذرلى
بحاجات كتير متكرّره
قربي منك كان ظالمنى
وف بعدى أنا متقدّره
#رضوى_العوضى