عودة  المغرب للاتحاد الافريقي

الاتحاد الافريقي
خوتي لمغاربة ف اثيوبيا اش وقع
قالوا المغرب للاتحاد الافريقي رجع
اسمع هاد القصة اسمع
غادي تضحك حتى تفركع
ف القمة حضر السبع
وجد الخطاب المنصة طلع
زهر الجزاير البوليساريو شدهم لوجع
صوتوا ضد المغرب معهم السيسي لقرع
المغرب حتى حيلة معاه ما تنفع
السبع ديما سبع
ركب الخوف الذيب والضبع
خطب سيدنا الاتحاد اقتنع
المغرب افريقي بحكم القانون والشرع
ارض الخير القمح والزرع
بو تفليقة جوع الشعب البوليساريو شبع
ها المغرب بعد الغيبة رجع
فرحوا الافارقة شطحوا شعلوا الشمع
ملكنا بالسمعة والاخلاق يتمتع
البوليساريو من الجزاير ترضع
نشف الحليب من الضرع
المغرب دارليهم برق ماتقشع
بلا حرب بلا قرطاس بلا مدفع
الحمد لله المغرب رجع للاتحاد
المغرب يساهم ف الاقتصاد
قوتنا ف الاتحاد والاجتهاد
بالخير تنعم لبلاد
برجوع المغرب فرحوا لعباد
اثيوبيا يوم الميعاد
التاريخ بالذهب سطر لمداد
يحكيه لجداد لحفاد
ف القصة حاضرة الصينية والبراد
بان الصح من لخواض
مبروك ع المغرب مبروك للاتحاد
اليوم كتبنا تاريخ الصلح
خدينا شهادة الميلاد…………………………………………………………

زجال الغرب
حسن البرارحي
سيدي يحي الغرب
الله الوطن
الملك