بطل مصري رؤوف جابر

بطل مصري رؤوف جابر
… وهبة صلاح

الفرعون العقرب ..
وعملية مقر جنوة في قلب أوروبا ..
¤ رؤوف جابر ظابط مخابرات مصرى .. قبل حرب أكتوبر كلفه السادات بوضع أجهزة تصنت داخل مقر جنوة .. ومقر جنوة ده كان من أخطر مقرات الموساد فى العالم وكان بيجتمع فيه الإسرائيليين سرا لإتخاذ أخطر القرارت .. رؤوف جابر سافر أوروبا وبدأ بتجميع المعلومات عن كل الأشخاص المجتمعين فى مقر جنوة .. رؤوف جابر قعد شهر كامل مش عارف إزاي يوصل للمقر وإزاي يضع أجهزة تصنت جواه .. لكن فى عالم المخابرات المصرية لايوجد مستحيل ….

¤ سارة جولداشتاين !!!
¤ سارة جولداشتاين هي السيدة الوحيدة الموجودة فى كل إجتماعات مقر جنوة .. وسارة دي إمرأة شرسة تعشق إسرائيل ..
سارة كان لها عشيق يهودى بولندى إسمه بوروسكى .. رؤوف جابر إكتشف بعد التحريات إنه جاسوس سوفيتي .. رؤوف جابر راح فندق إقامة سارة وعشيقها بوروسكي فى باريس .. وانتظرها فى غرفتها بعد سهرتها مع بوروسكي .. ودخلت سارة غرفتها ووجدت رؤوف جابر جالس على أقرب كرسي وبيعرفها بنفسه ..
أنا سعيد مرعى ظابط مخابرات مصرى .. ومعايا صور ووثائق تثبت إن عشيقك بوروسكي جاسوس سوفيتي .. وفعلا وراها كوبى للصور والوثائق ………..
¤ وفى أول إجتماع للموساد فى مقر جنوة كانت سارة أول الحاضرين وكان السادات بيسمع الإجتماع كله في القاهرة ..
¤ على فكرة دي كانت أصغر عملية يقوم بيها رؤوف جابر مع المخابرات المصرية .. الله يرحمه ويرحمنا برحمته الواسعة .. ناس كتير أوى متعرفش البطل ده لذا وجب التنويه والإشارة إليه .. متنساش تدخل علي صفحتي الشخصية وتعملي متابعة عشان توصلك كل معلومة جديدة ومفيدة عن أبطال الجيش المصري وعظماء مصر العروبة في كل الدنيا ..