كرباج ورا يا اسطى ؟؟؟ ” كحينا تراب  …

me

 

 

بقلم الاعلامي : محمد العزبي

 

وصلنا في دوله ممبوزيا العظمى ان انهارده اللي بيعارض حكومه حزلؤوم المأنتخ يبقى خاين و اخوان و فلول .. اي حد ينطق ضد المأنتخ بقا ضد ملك ممبوزيا … و خزل ملك ممبوزيا … كامل احترام شعب ممبوزيا لجلاله الملك … و الشعب بيأكد دعمه لملك ممبوزيا و جيش ممبوزيا بس واحد ممبوزي قالي احنا مخزلناش الملك هو اللي سايبنا لقمه سهله للمأنتخ و شويه الفاسدين … ياريت نعرف ليه سايب افشل حكومه في تاريخ ممبوزيا بعد حكومه قطونيل تعمل في الناس كده … حكومه ضعيفه و شغاله مع رجال اعمال و قرارات تفصيل .. وكله ضد الشعب الممبوزي …. لامتى مولانا الملك هتسيب الحكومه دي تنهش في لحم الغلابه و الحجه الاصلاح”الاقتصادي …. و يطلع علينا انهارده المأنتخ بتصريح قمه في الاستفذاذ  ” مستمرون في تحسين حياه المواطن ” ابوس ايدك يا أخي كفايه تحسين بطريقتك دي … لو تحسين ده بن آدم ينزلي راجل لراجل و اناهمرمط بكرامته الأرض .. احنا كحينا تراب يا مولانا الملك … الناس جابت جااااااااز … ارحمنا من الحكومه و مجلس النوام بتاع ممبوزيا ده … عاوزين حكومه كل واحد فيهم دكر .. يقدر يواجه مافيا قوت الشعب .. يقدر يظبط الاسعار … عاوزين مسئول كتاتيب ميقولش عاوزين نعلم الولاد الحلاقه زي السيد زعبوله اللي موجود .. عاوزين مسئول عافيه يقدر يحسن الخدمه في الاستباليات و يوفر الدوا للناس مش فالح بس كل شويه يقرفنا تصريحات .. ارحم شعبك اللي بيحبك يا مولانا و شيل ام حكومه المأنتخ دي و ريحنا من مجلس النوام ده .. و النبي عايزين ناس تعرف تفكر بره الصندوق بس مش يجيبولنا جلطه زي المأنتخ ….

يا جلاله الملك الشعب كح تراب خلاص و رغم كده معاك ….

حكومه المأنتخ لقد نفذ رصيدكم خلاص …. و خلصتو رصيد السلف كمان و الموبايل فصل شحن …

مسئولين حكومه المأنتخ … سيبوها يمكن حد يدعيلكم

برطمان النوام …. كفايه عليكم كده

عاشت ممبوزيا حره مستقله