بقلم : الاعلامي محمد العزبي

===============

طبعا دولة ممبوزيا العظمى  اكتشف علمائها اكتشاف مذهل يدخلها موسوعه جينس للارقام القياسيه على مستوى العالم و لو فيه كواكب تانيه شغال برده هيعديها ..

ايه هو الاكتشاف ده بقا ؟؟؟

الاكتشاف طلع ان ما شاء الله عندنا مرتشى لكل مواطن و عندها هيئه المراقبه عامله شغل عالي قوووي كل يوم يعكشو واحد و اتنين و تلاته و رعم كده محدش بياخد عظه من اللي بيتقفش و ده طبعا لان القوانين هنا في مميوزيا العظمى قوانين من ايام مارينجوس الاول طويل العمر يطول عمره محدش فكره يعدلها نهائي لا من رجاله مجلس الشيوخ النايمين علطوول ولا رئيس النظارات العموميه و كل عايش في المهلبيه ..

اخرها انهارده وكيل ناظر صغير  اتسمم عنده 400 تلموذ و البيه طالع يدافع عن اللي بيوردلهم الاكل و مش كفايه كده بيتهم الاهالي عنده انهم بيبتزو سيادته و عاوزين فلوس ؟؟؟ ده المفروض القانون يتعدل و يعدم بنفس طريقه سليمان الحلبي … مين اللي بيبتز مين يا بتاع انت ؟؟ و مين اللي عينك اصلا  ؟؟؟ اه صح نسيت ده انت كنت من اختيارات السيد زعبوله السابق مسئول الكتاتيب اللي مكانش بيعرف يختار اصلا … فعادي بقا ..

كمان في اسبتاليه انهارده مسكو ناس بيسرقو ادويه الغلابه … حتى دي كمان بتسرقوها يا شويه حراميه … عاوزين ايه ؟؟؟

يا ساده ممبوزيا العظمي .. يا اما ترجعو طريقه اعدام سليمان الحلبي للاشكال دي ؟؟ يا اما تقرروا صرف كوفيه و موس لكل مرتشى يتقبض عليه و هيخلصنا هو بنفسه و نخلص ؟؟؟

الناس في ممبوزيا جالها جنان و اغلبهم وصل للموريستان .. لانه بكل ده ثبت ان ممبوزيا مافيهاش ازمه فلوس ولا اسعار لكن فيها وفره من الحراميه

اقضو على الحراميه …الناس تعيش

و يجعله عاااااااااااااامر