” الفول والباذنجان “

كتب / الورادنى حافظ

مراتي قالتلي العيال عاوزين يكلوا **
شوفلهم حاجه تقوي عضمهم ويقوا **
ده الفول يا حبيبي هد حيلهم و بقوا **
مهيسين ومتيسين و عينيهم احولوا **
فين الهوبر والبهاريز
والمشمر والمحمر
والاكل اللذيذ
ولا يكون تاه طريقهم عن البيت وضلوا **
قلتلها طب اعمل ايه
ما كله بسبب الجنيه
ايه اللي في ايدي قوليلي عليه
قالتي اتصرف انشاالله تروح للكبير وتقولوا **
قلتلها اسكتي يخرب بيت عقلك
انشاالله يطلعلك ديب و يأكلك
ما توديناش في داهية ربنا يهدك
الموجود يا ستي يأكلوه بدل ما يتذلوا **
طب حتي جيب لهم كيلو بطاطس
يكلوه وهم رايحين الصبح المدارس
قلتلها ما تحلميش بده ابدا خالص
يا ستي اشغليهم والعبي معاهم حلو **
قالتي اعمل ليهم ايه في الفطار
والغدا والعشا و طول النهار
ابوس علي ايدك دول لسه صغار
قلتلها ما تخفيش هاجيب لهم كفيار
ده كلام بجد يا ستي مش هزار
ما انت عرفاه من زمان
ابو قلب ابيض ” البذنجان ”
قالتي حرام جبتلي جنان
ده كده والله عيالك هيتشلوا **
النهارده الخميس ما فيش طاجن لحمه بالتخديعة
او فرخه متحمره و معاها الدمعة و التسبيكة
طب علي الاقل صينية سمك الله يخليكا
قلتلها انسي هم اولادك في شئ في جيبي خلوا **
ناقصه كمان تقوليلي والنبي عاوزين يحلوا **
اللي معايا يا دوب يجيبوا صحن فول
ولو ضاع اللي في جييبي مش مسئول
يله اكليهم ونيميهم يا ستي علي طول
وبلاش يتكوا اوي في الاكل ويحفوا **