مش كفايه كلمة بحب

مش كفايه كلمة بحب

كتب /الورداني حافظ

او تبقي قريب من القلب
مش كفايه تعشق وتدوب
وتحلم بطيفه وقت غروب
الحب مش دغدغة قلوب
او انه مقدر و مكتوب
مش كفايه كلمة بحب
او تبقي قريب من القلب
الحب حاله بتلبسك
تحس بيك وتلمسك
وروح تملي بتحرسك
ولما تشتقالك بتتنفسك
مش كفايه كلمة بحب
او تبقي قريب من القلب
الحب قمة في العطاء
الحب إخلاص ووفاء
ومشاعر دافيه
وقلوب صافيه
وللروح مناجاه
مش كفايه كلمة بحب
او تبقي قريب من القلب
الحب مش كلمة تتئال
الحب واقع مش خيال
الحب بيان
انك انسان
عايش اكيد جواه
مش كفايه كلمة بحب
او تبقي قريب من القلب
الحب منك لازم تقربه
الحب كأس لازم تشربه
وتروي ظمئك
وتداوي ألمك
وتعيش معاه الحياه
مش كفايه كلمة بحب
او تبقي قريب من القلب
الحب مش انانية
الحب اكيد مسئولية
اخاف عليك
وتخاف عليه
وبيه طوق النجاة