** مش هنسيبها لحد **

** مش هنسيبها لحد **
____________________

مصر بلدنا وسر حياتنا
مش هنسيبها لحد

مصر الغالية الهمة العالية
مش هنسيبها لحد

مهما الشر حكم واتحكم
مش هنسيبها لحد

عمر الأصل فيها ما اتنكر
ولا يوم باعت حد

مصر حضارة لكل العالم
فيها العلم اتمد

والقداس فى حمى القرآن
ماسك يد بيد

فيها شهيد بيواسى امه
يمسح دمع الخد

فيها النيل بيروي اراضي
للخيرات تترد

فيها حروف تتغنى بفرحة
تشرح قلب الورد

والنغمات تتمايل ترقص
على اوتار اليد

فيها جنود شجعان تحميها
بعزم وحب وود

بايمانهم نهوا على الفوضى
شقوا وعدوا السد

رسموا الفرحة ف عين اطفالنا
شقيوا وتعبوا بجد

والزغاريد ع المينا تلالي
تنور شط الغد

هى دي مصر الدرة الغالية
أم الدنيا بجد

………………..

من ديوان /بين قوسين “نجلاء نبيل”