مونولوج حكاوي

مونولوج
حكاوي

حكاوي ومن بَلدنا
وأحلامنا تروح لسينا
نعطش والخوف شِربنا
وعرقنا ولِّسة فينا

حكاوي ومن أوربا
جايبلنا ياناس زُغطة
نحلم ونشوف فرنسا
ع الشاشة عايقة لينا

حكاوي ومن إيطاليا
عاوزين ناكل لازانيا
ومكرونة بصلصة حمرة
إدونا فلوس ومينا

حكاوي تروح أثينا
مركبنا بميت سفينة
مخنوق أنا حصارهم
دوامة وعايمة فينا

حكاوي ومن مارينا
بدُور ودايرة بينا
والموج عالي ف بَلدنا
وغريق ومافيش سارينة

حكاوي وم البيوت
لحقونا وبالنبوت
عاملين م الحبة قُبة
دا شرفنا ومش هيموت

حكاوي ومن وِلادْنا
نجري أَ ونستخبى
عالخارطة نقول بِلادنا
والغاية أم الوسيلة
شعر أماني النونو